有興趣知道售書情況，請留意這頁網誌，我會不時更新架．
但逐一細記，確實很有難度．所以決定要改變吓形式！
改為將售出及送出的數量 update．
直至今天為至，共售出：２６４本
而送出的書，原先送給 '長洲愛護動物小組' 的40本書已經被訂購一空，好嘢
另外，送50本予 '拯救遺棄動物中心'，10本給 '南丫島動物保護組織'．
並不是有任何偏私分別，只是不想一次過送太多書過去，到頭來卻沒有人賣，阻了人家寶貴的地方放你的書．所以先送一部份，若然有需要，盡管出聲，還可以再送．
至於個別售書的情況，都有記錄下來，尤其BB&多多媽幫忙做了很清晰的存取記錄，沒有她，世上又多一筆糊塗帳．
11 則留言:
哈哈! 可能唔只衝出網路的世界, 仲可以衝出香港、亞洲, 遊客買左返屋企, 咁全世界都有《土狗不土》了!
[版主回覆10/10/2010 16:20:00] 係呀，係呀，衝到全世界有華人的地方！！！
：唉，點解啲人會咁容易患上妄想症架
哈哈哈! 唔係妄想症, 只係剛食完飯, 有點飯氣攻心 , 眼瞓, 發下白日夢.
豆點啊娘，我也想買一本，我住觀塘區，吾點可以點交收呢？
[版主回覆10/11/2010 08:26:00]觀塘比較方面，有網友也住那裡，她幫手做交手，最好留個電話，讓她直接聯絡你
請問係西環至銅鑼灣地鐵站附近可以交收嗎? 我只買一本. 謝謝!
[版主回覆10/11/2010 08:24:00]可以，請留個電話做聯絡，或者直接致電予我
電話號碼唔重覆嘞，我在土狗不土正式面世上寫了．
好野！咁快賣到咁多本！
我返來後都一定會報告！哈哈！因為已經有5個人向我ORDER了~~
Bear Bear 寶媽媽, 我留咗你個電話, 但刪咗個留言. (有電話同地址嘅, 都係用私人留言好啲) 我遲啲會call你架嘞.
豆點啊娘，我已經收到本書啦，謝謝！還要多謝ｂｂ＆多多媽，謝謝！
[版主回覆10/14/2010 19:57:00]更多謝你支持喇
我想要一本呀, 點樣可以訂呀?
[版主回覆10/15/2010 10:57:00]郵寄或港鐵站交收. 留個聯絡方法或直接打電話給我啦!
冇所謂啦
[版主回覆10/15/2010 12:32:00]謝謝體諒
阿娘，都是一D加加減減的數，我有點飄飄然啦，祇希望能夠做好本份，因為都是大家對土狗不土支持及想幫到一些流浪狗，係應該嘅
偶然的機會, 跟闊別25年的美國朋友探訪南丫島, 在小店裡看到"土狗不土" ,就馬上愛上它了。原因 ??? 我的1歲囡囡 Snowy 也是了流浪土狗的第二代。她的媽媽和哥哥也有着大多數土狗的坎坷遭遇。其實他們真的充滿人性, 他們是家人, 並不是寵物 -- Sam - TaiPo
[版主回覆10/18/2012 16:46:59]狗狗在我家，從來就不是寵物，他們全都是我家的主子啊 : )
流浪狗的坎坷，很大程度，都是人類自私行為所做成。我們找狗兒去雪山救人，到災埸尋找遇難者，訓練牠們去找出危險品。但每當人與狗發生衝突時，錯的永遠是狗，他們亦沒有權利為自己辯護！
唉！收養流浪狗，我可能是有點贖罪的心態。
張貼留言