豆點花園添點花

                      今天，就讓阿娘來 update 吓個豆點花園喇．

        

昨日講過嘅洛神葵，就種喺右手面．不過，今日，無俾佢入鏡，因為豆點花園先至係今日嘅主角嘛！

　　

阿娘嚟花園做嘢嘅時候，芝麻總係百無聊賴咁咬吓草，咬吓樹枝咁過日晨．

芝麻做狗，真係太過符碌（嘩！而家仲有無人講呢兩個字架．真係一開口，就被人知道阿娘係上世紀嘅生物嚟添）！如果換咗係豆點，一早就去咗周圍巡視喇！

　　

旁邊這棵羅漢松生長得認真慢，種了大半年，還是三吋釘．難怪咁多ＩＩ專程來偷佢返祖國啦．

       

這棵巴西野牡丹是個多星期前購自花墟，孤寒成性的阿娘都捨得買，皆因太便宜，只十個大洋，所以二話不說就捧了回來．但，搭車搭船，好累啊！還有，這些花不是紫藍色的，咱家的相機太差勁，永遠都出唔到紫色．

　　

薔薇的紅也跟原色差了一大截，唉，平嘢無好，將就點罷！

　　

這盆菊也是從花墟搬回來，不過是今個星期一，十五個大洋，阿娘見它花蕾多，忍痛（手痛）帶它回來，希望咱家豆點花園多點花氣囉．

　　

還是這些馬齒牡丹（太陽花、午時花）好，又易種，又不用花錢，又多花，還有，田裡頭其他的馬齒牡丹在午後就睡覺去，只有豆點花園裡頭的馬齒牡丹，午後仍見開花！棒！