芝麻趁墟去

　　

芝麻：嗨，今天就讓我來做一天主角啦！

今天跟阿娘去了咕嚦家打了一轉，嘻嘻，每次咕嚦媽咪都請我食嘢架．所以我唔介意咕嚦向住我猛吠架！有嘢食就得架喇．

唉！食唔夠兩三枝雞棒，就被阿娘叫咗去豆點花園，我當然又係要好無聊咁喺到行行企企，咬吓草咬吓樹枝．好在auntie Joe 嚟咗，話今日係小島每年一度的墟期，所以就帶埋我一齊去趁墟．

　　

其實呢類墟期，都真係好無聊嫁，你睇我個樣就知啦．不過，今日就好多唔識嘅人都走嚟同我打招呼，猛讚我乖．喺呢個時候，就係我阿娘語無倫次嘅時候，人地無問，佢都可以講一大輪我點乖點乖，平時，又唔見佢會讚吓我嘅喎！

　　

都係出嚟沙灘好玩啲，嘩，隔離呢個ＢＢ真係好勁，呢頭想話同佢拍番張合照，不旋踵，佢已經爬咗去海邊．厲害！

　　

返到屋企，都唔理呢度原本係俾豆點 '灘透' 嘅地方，都逼入去休息一陣先　哈，今日阿娘無趕我添！