倚老賣老

湯圓：喂喂喂！芝麻，做乜上我張床？

芝麻：你理得我，今日我鍾意瞓喺呢度，點吖？

湯圓：無乜點，你都瞓咗喺度，我又可以點？

芝麻：係囉，既然唔可以點，你就行開唔好阻住我休息啦！

湯圓：估唔到平時扮到好溫馴，竟然霸咗我張床，仲聲大夾惡！

湯圓：唉！世界輪流轉！以前喺屋企我最惡；而家，輪到芝麻咯！

湯圓：做狗也要學識能屈能伸，就當敬老喇！你瞓咗我張床，我就瞓地毯囉！

芝麻：睇開啲喇湯圓，你到我咁嘅年紀就明，呢啲叫倚老賣老吖嘛！