今趟，又是做阿娘的錯！
幹啥要將這已被湯圓叼出屋外，殘餘無幾的小片牛皮骨撿回屋裡來！
芝麻，你果然是聽到姨姨的話，說會派Charco來幫口，就肆無忌憚，
晨早散步回來未足一刻鐘，你竟然就跟湯圓打起來！
剛溜狗回來，阿娘返房間換衣服，聽到芝麻湯圓猛然互吼互兇。
連忙撲出房門，你倆已經埋身肉搏，同樣湯圓在上，芝麻在下。
電光火石，項帶已被除掉，如何分開你倆？
湯圓，沒辦法，唯有用手捏起你背項的皮毛，將你扯開。
幸甚！幸甚！這趟，湯圓，你沒有回頭送上阿娘一口！
只不過，今趟輪到芝麻發惡，高聲亦未能喝止，不停趨前要跟湯圓扭打。
幾經艱難，才將湯圓扯出門外，幾經幸苦，才可關上大門。
芝麻，你還心有不忿，繼續在門前怒吠！
果然！薑，愈老愈辣；狗，愈老愈惡！
湯圓，今次你似乎有了點進步，很快就安靜下來。
讓你再進屋來，你沒有找芝麻算帳，只低頭巡嗅；
想來，是希望找回一片半片殘渣，不想做個舌頭上的輸家。
芝麻呢！總算也安靜下來，趴在牆腳。
芝麻老了，激鬥後，極需要休息休息！
阿娘也老了，激動後，也極需要休息！
現在，你倆分別趴在阿娘跟前做夢；
這一趟，阿娘醒悟到，從前豆點、芝麻共處的日子不再；
你們是芝麻、湯圓，為了吃，可以反面不認親！
阿娘，認命！
4 則留言:
芝麻，果然學到嘢，勁呀
[版主回覆07/25/2013 11:26:41]芝麻：係呀，而家就算係出面的狗狗，如果夠膽在我面前走來走去，我都會兇佢地嫁
嘩！阿娘，妳一個人怎分開2頭大狗？很驚險啊！要小心點，狗打架非同小可！幸好佢地咁快分開咋！
如果再嚴重D或咬得太實，不能就咁拿開，可以用木棍伸入口拗起，咁自然會鬆開架啦！不過希望不需要用這招啦。我地菜菜子以前成日同LUCKY打到流哂血，分唔開都係用呢招…
芝麻、湯丸！妳地就乖D唔好要娘擔心同辛苦啦！咁大個都唔生鏽既！！再咁要困住妳地架啦！
[版主回覆07/25/2013 11:23:36]昨天出省，見到有枝大水鎗，其實諗過買返屋企，等佢地打架時用，但再諗，攞得嚟都打死喇，所以放棄呢個主意。點知今朝早，又發生打架事件 : (
緊急關頭，都唔顧得咁多，第一時間就想扯開佢地，情況都真係好驚險。我都覺得自己幾叻架，可以一個人分開2頭99。
都驚俾佢地咬架，因為都試過，但呢個係最快嘅方法囉！無計
肥師奶忍得湯圓多了﹐終於發火﹐小霸王不知以後會否學懂敬老﹖阿娘也真勇呢﹐幸
好湯圓惜住阿娘沒送上一口。是了﹐這對不咬弦的姊妹有冇掛綵﹖
[版主回覆07/26/2013 08:28:23]小霸王已經表明死不悔改，肥師奶呢，嬲起上嚟亦唔係人咁品。唉！
幸而，扯開得快，只是皮毛小事，沒有掛彩
幸好阿娘無被咬，若然咬到，相信這口一定好深見紅
張貼留言