芝麻湯圓 望門輕歎

芝麻：點解呢度唔同晒？攪到五顏六色，玩塗鴉呀？

湯圓：隔離係千萬豪宅，咁，周邊啲地方梗係要整得好樣啲啦。



芝麻：但聽講呢度係公共空間嚟嫁喎，點解咁慷慨，連公家地方都粉飾埋？

湯圓：佢地喺前面起度閘，又將條路油成咁，好似我地而家入侵緊人地私人空間咁！

芝麻：呢啲咪叫做公共空間私有化囉！傻瓜！

芝麻：你睇，有啲奇怪嘢，點解用啲黑膠袋包實晒啲花呀？

湯圓：芝麻，你真係老眼紛花喇，呢啲係塑膠花嚟架！



芝麻：撞鬼！千萬豪宅唔種真花用假花，啲貴氣咪無晒囉？

湯圓：懶理佢真花假花，住得起就係富貴人家，你唔好做狗都咁挑剔先得架。

芝麻：啱，人地用真花假花關我鬼事咩，反正我地都無機會住架喇。

芝麻：條路攪到咁嘅顏色？太陽曬落嚟，好燦眼呀！救命！

芝麻：湯圓，你唔好走咁快啦，阿娘又喺到依依哦哦鬧緊你嘞。

湯圓：你唔駛咁驚喎，俾佢鬧幾句有乜問題？做狗都要面皮厚一啲，咁就會快樂啲！

湯圓：你睇，佢有佢鬧，我有我走，佢都無我辦法！哈哈！

芝麻：咁又係喎！佢點都唔會走得快過我地架喇！

芝麻：呢個碼頭啲垃圾終於搬走晒，真箇海闊天空！

湯圓：攪到咁乾淨，好似變咗佢地嘅私家碼頭，唔怪得無乜人會走落嚟。

芝麻：好彩阿娘一早同我地講，呢個係公眾碼頭，可以走落嚟 hea 吓。

湯圓：芝麻，你坐喺度做乜，周圍走吓喇，懶鬼！

芝麻：趁今日個場咁靜又咁乾淨，企定定，扮文靜，影番張富貴相扮吓富貴先。

湯圓：我又要呀，我又要影張富貴相。

　　　　　　　　　　　　　　　湯圓：但係，影左邊面靚啲？抑或影右邊面好啲？

芝麻：湯圓，你左右面加埋，都無間屋咁靚！不如，你偷走入去睇吓，有乜嘢好玩？



湯圓：門高口又大，又無 friend喺入面，點入去呀？你唔好耍我喇！

芝麻：咁又係，金窩銀窩，都不及自己的狗窩，我地都係返屋企好啲。