生活好無聊，阿娘帶了芝麻去逛街，留下我在家發呆。
又不留下一根半根骨頭給我，唯有找來布娃娃磨磨牙。
可是，這東西索然無味，軟綿綿，沒甚麼好咬口。
真的
，我家的阿四確實太不像話，逛街只會帶芝麻
。
咦，幹嘛外頭又噼噼啪啪吵著呢?
肯定是誰家的貓
又來示威搗蛋。
喂，快點滾蛋，最討厭你們在我家門前追逐。
你們就好，可以自由行，我卻要被困在屋內沒個自由。
你們喜歡就可以隨便在我家的門前跑來跑去，在我家的屋頂上竄上竄落。
而我在外頭多跑幾圈，也要被我家阿四責罵，世界好不公平喲 !
算罷 ! 算罷 !
讓我來世也做只貓，跟你們一起追逐去。
6 則留言:
阿媽~你帶埋湯圓去, 佢咪吾出聲咯^^呵~~
[版主回覆12/17/2011 10:38:56]帶湯圓出大街??? 銀包有多多錢都唔夠賠!!! 帶芝麻出街都試過打爛人地啲貴嘢，帶湯圓出街! 政府俾個六千蚊都肯定唔夠賠!
Picnic 依家同噹噹一齊住，唔好睇佢地笑都唔笑，其實不知幾老友！http://www.suntravel.com.hk/domdom.jpg
[版主回覆12/18/2011 15:05:05]多個伴一齊住真係好好多喎，可以打吓交，玩吓。Picnic，你個樣睇落嚟好似善良咗喎:)
湯圓愛“冷街”，無得去街，真係好慘慘呢
[版主回覆12/18/2011 15:07:27]都幾慘架! 但無計啦，鬼叫佢成日都鍾意闖禍咩!
湯圓,其實你不知多幸福,有瓦遮頭比無家可歸好得多了.
可唔可以用狗繩帶湯圓出街
咁就唔怕佢整到人地d野
佢又可以出街玩下
[版主回覆12/19/2011 13:34:58]湯圓係有得出街，不過唔係去人來人往嘅大街! 係帶佢去跑海灘跑山。
如果用狗繩拖住佢，佢見到其他狗狗嘅時候會發晒癲，又吠又撲，係人都驚咗佢。試過扯到我跌低。無繩拖就好啲，但就橫衝直撞。所以帶佢出街，要揀少人少狗嘅時候先可以出門架。
點解陽台嘅門打開了，湯圓都不會走出去？
[版主回覆12/19/2011 16:47:44]當然會出去，只不過另一邊聽到聲音，又走返入嚟囉。
張貼留言