以前遛狗是寫意生活一部份，跟狗兒一起散散步，拍拍照，確實是生活樂事！
如今，帶你出門前心情便開始忐忑，回家後心情便開始沮喪！
你呀，完全不管人家望向你的眼神有多驚愕，或表情有多厭惡！
你只管衝著狗兒又吠又撲，看起來就好像跟人家有血海深仇！
有一次，別家的狗主說：你家的狗兒好兇！
忙護著你說：她不是兇，只不過情緒有問題！還馬上隨口多說一遍：
她不是兇，只不過情緒有問題！
呸！即時覺得自己的話說得有幾多餘！你以為多說一遍人家就會相信你的話嗎？
雖則，湯圓，阿娘確信是你的情緒出了問題！
還是在家的你好！看你 '傻更更' 兼 '諸事八卦' 的樣子，確是頭可愛小狗！
屋外有甚麼風吹草動，你都第一時間撲上窗前．
哈哈！這一點，亦是唯一一點，你跟豆點有點相似！
湯圓，若阿娘的家有個大花園，也就不一定要帶你遛狗．
那阿娘的心情，就不會如近日的天氣般時陰時晴！
如今，帶你出門前心情便開始忐忑，回家後心情便開始沮喪！
你呀，完全不管人家望向你的眼神有多驚愕，或表情有多厭惡！
你只管衝著狗兒又吠又撲，看起來就好像跟人家有血海深仇！
有一次，別家的狗主說：你家的狗兒好兇！
忙護著你說：她不是兇，只不過情緒有問題！還馬上隨口多說一遍：
她不是兇，只不過情緒有問題！
呸！即時覺得自己的話說得有幾多餘！你以為多說一遍人家就會相信你的話嗎？
雖則，湯圓，阿娘確信是你的情緒出了問題！
還是在家的你好！看你 '傻更更' 兼 '諸事八卦' 的樣子，確是頭可愛小狗！
屋外有甚麼風吹草動，你都第一時間撲上窗前．
哈哈！這一點，亦是唯一一點，你跟豆點有點相似！
湯圓，若阿娘的家有個大花園，也就不一定要帶你遛狗．
那阿娘的心情，就不會如近日的天氣般時陰時晴！
9 則留言:
這相就看到湯圓幾可愛
她吠其他狗,係想同人玩吧
[版主回覆03/22/2011 20:15:00]如果淨係吠就比較簡單，最斃係佢仲要搶繩撲埋去想撩交打咁嘅款 當然，我明白佢唔係要去打架，佢係好緊張咁要去嗅對方，但任何狗主見到佢個樣都會驚咗佢架！
湯圓的樣子都好可愛
[版主回覆03/23/2011 10:21:00]係呀，佢係屋企係好鬼可愛架
佢會唔會好想識朋友先會咁, 又或者係發情期呀, 如果唔係成日出街, 都會可能係情緒上出現問題!!
[版主回覆03/23/2011 11:30:00]佢唔係想識朋友，因為想識朋友唔係佢咁嘅表現架！佢亦唔係發情期，一早做咗絕育手術嘞！ 觀察咗佢五個月，佢真係有啲精神問題！佢見到啲貓貓狗狗就失晒控，有時仲會牙關顫震兼流口水！但平時喺屋企就ｏｋ架！
從前我有一頭有情緒病的狗仔仔, 好不容易由BB陪伴佢終老, 因為付出的精神, 心力及體力真是比照顧正常狗狗大出好多倍!
亞娘和湯圓令我想起了仔仔, 亞娘要努力加油啊!
[版主回覆03/23/2011 13:17:00]謝謝！正在努力中
咕嚦媽: 感同身受
想起咕嚦初來時問題多多, 現在好一點但間中都有些令旁人吃驚的表現. 現在我不再執著la , 當那些不當的行為係佢ge"性格障礙"來看反而開心D. 最重要是一家(人/狗)平安快樂
[版主回覆03/23/2011 13:19:00]好一句 '性格障礙' 彼此彼此！好，我就偷來用一下，湯圓是 '行為障礙'
我完全明白阿娘的感受!
我家小黑, 每次帶佢出街都會衝去其他狗度, 佢個口又大, 又流到成面口水, 其他狗的主人都怕左佢......不過我覺得口大是無罪的, 口大並不代表惡!
.......忘了講, 我家小黑是法國老虎狗, 是領養的, 牠被人拋棄過2次了, 但現在應該很幸福呢! ....哈哈, 自己讚自己!
[版主回覆03/23/2011 13:22:00]哈哈，我都鐘意自己讚自己架！我都覺得湯圓幾幸運架！
我家威威無論外形同性格都一樣
至於"唔係要去打架，佢係好緊張咁要去嗅對方"
Picnic都一樣，以前RCAP見其它狗狗都搶繩撲埋去想撩交打
現在好乘，上次米奇撞入去佢度，Picnic都冇理佢
last week，米奇同東東又撞入去佢度
三隻一齊跑來跑去
[版主回覆03/23/2011 13:36:00]聽到 picnic 有改變真係好開心，可以同其他狗狗相處，唔駛做孤獨狗 lu 其實我好明白湯圓嘅問題，但亦明白其他人很難接受佢嘅行為．唉！
伏喺窗前個樣好得意呀！~~
齋睇湯圓相片真係好得意，既然當湯圓有行為障礙，阿娘一定會用另一心態去接受湯圓
這張相，相信又會令阿娘想豆點一張近似的相片
張貼留言