豆點，有時阿娘不得不想到如果能早點就開始寫這個網誌，就可以記下你更多生活點滴，為你留下更多的生活印記！但，做人做事，都不應該輕言後悔，所以阿娘也並不覺得後悔哩！
有時翻出一些過往的照片，但已記不起是哪年哪月？現今數碼化，在照片可以加上拍攝日期，這個我喜歡，日後再看時便清楚知道是何年何月發生的事兒．
豆點，阿娘不時數落你 '曳' ，但你 '曳' 得來也有規也矩．例如 '咬毛公仔' 這玩意，當日家中的梳化上或茶几下都擺放了不少毛公仔，但沒有阿娘批准，你就不會隨便去干擾它們，你只會撕咬那些阿娘說過給你做玩具的毛公仔．
這段短片雖然質素差勁，光線不足，但卻也彌足珍貴，因為短片內容記下建立日期是：2005年11月30日．那時候，芝麻已經來到了我們家，而且還會跟你搶東西玩．
p.s. 得 QQ & 小克媽咪出手相助，給短片的光度調高了．謝謝
哈哈，大家留意望吓芝麻後生個樣喇！
5 則留言:
真係難得片段. 我見地下有 d 白色貌似布碎物體, 係咪豆點已經開始解剖毛公仔?
哎呀! 當時o既芝麻, 好活潑呀! 睇住芝麻而家個樣, 真係想像唔到.
如果想將短片調光一點, 話我知, 我可以幫你架.
[版主回覆05/26/2010 16:16:00]係呀, 佢已經解剖咗一段時間, 先醒起同佢拍低留念囉
緊係想啦! 可以點呀? 拜託 拜託
用文字記下來，更珍貴。
你原本個 video file 有幾大? 係乜o野 format? 例如: mov, avi, .... 如果10MB 以下, 可以 email 俾我, 我試下我套 software 識唔識讀你個 file.
估唔到以前的芝麻可以玩得咁顛, 跟現在的芝麻原全不一樣
[版主回覆05/28/2010 09:51:00]係架，以前芝麻為咗同豆點爭住企喺阿娘身邊，會同豆點 '砌' 過架！
真係好開心見到豆點生活片段，芝麻同而家的沉默，判若兩狗，是否豆點走咗她才是咁靜
[版主回覆05/28/2010 15:09:00]其實佢而家都唔靜架, 出去會撩其他狗狗架!
張貼留言