今早探了妹妹回來，不敢怠慢，盡快將照片放上網誌，希望關心她的朋友早點知道她的近況．
走失了兩個月的妹妹，現在的名字叫 Molly，在小島上的 Lap Lifelong Animal Protection Charity 生活著．
Lap 的負責人 Sheila 表示，當初發現 Molly 時，身上多處傷口，身體何止虛弱，簡直是氣若柔絲，不要說她已沒有了逃跑的能力，連站立時也站不穩腳．她可以生存下來，是何等的不可思議！
經過三個星期的調養，Molly 雖然仍是瘦骨嶙峋，但走起路來已可以輕跑幾步．而且對周遭環境，也多了一份好奇心．只不過，據 Sheila 觀察所得，Molly 對聲音完全沒有反應，應該是頭聽障狗狗．難怪當日到伯伯家探望她時，從來沒有聽她吠叫過．
是時候跟 Molly 說再見，她在這裡會得到悉心的照顧，但當然，Sheila 希望她能覓得一頭住家啦！
12 則留言:
阿娘, 好多謝你的 update 啊!
好好好開心呀! 妹妹遇到愛錫她的人, 現在至少已沒有危險, 也好食好住. Sheila 樣子很善良, 妹妹真是幸運了!
妹妹其實係好靚女, 面上的傷痕, 加上妹妹的眼神, 讓媽咪知她是頭很堅強的狗狗.
阿娘, 相中妹妹耳尖有點開了差, 是否也是傷痕之一呢?
[版主回覆01/25/2010 22:59:00]這個傷痕是她從大埔來到小島時已經存在. 應該是在大埔 dog shelter時給其他狗狗弄傷的.
另外, 揮春收到了, 好漂亮喲
另外, 妹妹後面那頭黑牛, 是 ... 是 ... 芝麻嗎???
[版主回覆01/25/2010 23:02:00]果然似頭黑牛喲
不是芝麻, 牠叫阿Sam, 一頭膽子蠻小的狗狗.
Molly 也算幸運吧.希望牠能早日康復, 往後日子能快快樂樂.
Molly 身後那位朋友也真的蠻像一頭牛呢.
[版主回覆01/25/2010 23:04:00]QQ小克媽咪果然形容得十分貼切
阿娘啊~妹妹系咪可以安定落黎啦? 可以再見番佢, 系好開心既一件事, 心都好安慰!
[版主回覆01/25/2010 23:12:00]對呀! Lap 的中文名稱是: 終身庇護動物慈善組織, Sheila 坦言妹妹可以找到收養家庭的機會不高. 但她在這裡可以得到很好的照顧, 而且也可以同其他狗狗和平相處. 不用擔心, 她未來的生活一定會安好.
好開心有妹妹最新消息，自從知道妹妹尚在人間，好期望知道她的近況，阿娘真的真的好感謝你， ，像我這樣八卦又祇得一把口，又幫不了忙，辛苦了阿娘， ，妹妹真的似瘦了個半圈，不過最緊要妹妹活得開心，希望她養好身體，早點有一個溫暖的家。今次再見妹妹感覺好似比之前多了一點笑容
[版主回覆01/25/2010 23:27:00]對, 雖然她比以前瘦得多, 但相對, 卻覺得她比從前開心咗呀
我又update一下Picnic既現況
Picnic已住左Dog Resort兩個幾星期
佢23/01已拆左線
由於喱幾星期都找不到主人
今個week-end30/01會入住RCAP拯救寵物中心
佢在Dog Resort好開心
D staff每日放佢出黎玩兩次
而彼得差不多每日去探佢
有空調房
又有食唔盡既零食
又有沖涼美容
不過天氣太凍不能學游水
好唔捨得送比佢
可惜Dog Resort始終不能長住
喱三個星期可能係Picnic最無牽掛既日子
[版主回覆01/25/2010 23:24:00]唉, 我地都不斷問人是否願意收養 picnic, 可惜願意收養唐狗的人委實不多
如果picnic真係最終要入住rcap, 日後有時間, 我都打算會去探佢. 只不過, 條路好遠啊
尾3行應該是:
好唔捨得送走佢
點解 MOLLY /妹妹 會咁? 知唔知道發生過咩事?
真係好唏噓! 希望 MOLLY 乖乖地開開心心生活落去!
係呢, 咁衣家 MOLLY 重有無常走架? 好擔心呢!
[版主回覆01/25/2010 23:40:00]我想, 除了 Molly 外, 沒有人知道中間發生了甚麼事情.
不過, 生活是向前看, 只要知道她現在安好就可以
她現在居住的地方環境不錯, 不容易走失, 而且有專人照顧, 也會定時walk dog. 所以, 你大可放心, 就算找不到人家收養, 那裡也是一處很好終老的地方.
哈哈! 好彩唔係芝麻, 嚇死我啦! 上次我仲見相中o既芝麻瘦左, 冇理由突然變左隻牛架嘛!!!
我第一次見那隻黑 , 足足笑左 10 分鐘, 收唔倒口 . 到現在仍是每次見到都忍唔住會笑出聲.
QQ: 失禮死啦! 媽咪真係衰, 狗狗都冇得罪你, 你就咁樣笑佢!
媽咪沒什麼可做, 唯有衷心祝福 Picnic.
妹妹的神情果然好倔強, 難怪寧願放棄三餐溫飽, 都要去浪跡天涯
總之現在有個落腳地, 大家都安心了
真係天大地大, 咁都比阿娘找到妹妹. Life Long Protection 真有意思, 願所有動物都找到他們的終生庇護
張貼留言