嚟到芝麻屋企，都唔理地方細細，更加無問過芝麻嘅意見，就各自霸一個位置休息．好攰呀！
眼仔碌碌呢隻叫拖肥，個背脊可以做茶几，唔信？睇吓下面張相．
放咗兩包餅仲有大把位剩，放多兩杯茶都得．真係唔知佢阿媽點養佢，個背脊可以平成咁！
呢隻係最多人錫嘅 golden，所以更加無厘規矩，一陣上床一陣落地，然後又搵咗芝麻最鐘意嘅地毯嚟瞓，完全都無理過芝麻嘅感受．
choco 有啲似警犬，瞓咗喺屋中間，成日望住阿媽去邊就跟到邊．
睇吓呢張相就知道架嘞，阿媽去廁所，三隻狗狗就一二三咁排咗喺到．
芝麻呢？雖則係呢間屋嘅屋主，但係就縮咗喺枱底．唉，你地睇吓佢個樣，點做得大事架！
9 則留言:
芝麻好友善呀! 朋友仔黎到, 就俾晒 d 靚地方佢地休息. 好得人錫啊!
Haha...why all doggies so adorable 1~~~ really cute and lovely!!
其實芝麻懂"好客之道"啫
芝麻 :嘻嘻~~阿娘，我係一頭和善既狗狗，重有另一個重責，就係--親善大使，如果連禮讓咁小的禮貌都唔識，人地會笑你 "無家教 "架，唉>..<你都唔知我用心良苦
芝麻真乖，以客為先
拖肥真係好肥，差啲可以做食飯枱。
芝麻話 讓客人坐好d~舒服d丫 ma
哈哈！芝麻好大方呀！如果我屋企果D…一定開片
點解d相咁灰？
[版主回覆12/10/2009 13:05:00]係喎, 係自己屋企個電腦睇就唔覺. 今日出咗嚟返工, 用其他電腦睇就好覺喎.
芝麻呢？雖則係呢間屋嘅屋主，但係就縮咗喺枱底．唉，你地睇吓佢個樣，點做得大事架！ 我覺得芝麻好客嘛人地阿娘
張貼留言